Філіял ДЗЯРЖАЎНАГА ЛІТАРАТУРНА-МЕМАРЫЯЛЬНАГА МУЗЕЯ ЯКУБА КОЛАСА  “Мікалаеўшчына” на радзіме Якуба Коласа ў Стаўбцоўскім раёне Мінскай вобласці. Гэта жывапісны куточак Панямоння,  89 км ад Мінска. Турысты, наведвальнікі маюць магчымасць пабачыць тут шмат цікавага і пазнавальнага, звязанага з жыццём і творчасцю народнага паэта, з гісторыяй і культурай Беларусі. Акінчыцы, Альбуць, Смольня, Ласток, Мікалаеўшчына – месцы пражывання бацькоў Якуба Коласа – увайшлі ў Коласаўскі  мемарыяльны  заказнік.